Ponte dos Ferros

A entrada á vila de García Rodríguez a través do río Eume.

Di a tradición que foi mandada construír no século XV por García Rodríguez de Valcarce, señor das Pontes, quen fora neto de Nuno Freire de Andrade. Pola súa feitura construtiva é moi posiblemente anterior a García Rodríguez.

Sitúase sobre o río Eume e dá entrada á vila medieval das Pontes, onde estaba unha das portas da muralla. Está levantada con pedras de cantería e cachote. O arco maior, lixeiramente apuntado, é de estilo gótico, o outro arco é de medio punto pois foi reconstruído tras ser derrubado por unha crecida do río Eume.

Debe o seu nome actual á varanda de ferro forxado construída na ampliación de 1902.