Monumento Alegoría da Vida e da Morte

Obra impresionante de Ramón Conde na que mostra a morte aleitando a vida.

É unha obra do escultor ourensán de recoñecido prestixio Ramón Conde. Este escultor reside na Coruña e percorreu Europa e Estados Unidos. A súa obra partiu do realismo ata desenvolver un estilo moi persoal; entre as súas obras encóntrase figuras obesas de innegable proxección estética e cabezas de tamaño monumental.

Esta peza representa a vida e a morte dunha forma natural. A morte ten no seu colo un bebé que acaba de nacer. A alegoría amosa a morte aleitando a vida. A obra estivo presidindo durante un tempo a entrada ao cemiterio municipal dos Alimpadoiros ata que foi trasladada ao seu interior.